<?xml version="1.0" encoding="UTF-8"?><song><lyrics>[V1]
 Sai okcha̱yʋt yakni ilʋppak oka
.    
     Ai ahantʋt ak bilio nana kia,
 Ulhpiesa ak inli, an Chihowa ya̱
.    
     Ak im ono kashke, aiahni la wa.

[C1]
   Ʋba yakni ya̱
   Afoha ai a̱hli ya̱ ona lashke.

[V2]
 Yakni ilʋppa aiokcha̱ya yokʋt
.    
     Chekosi fehna a hlopuhunlishke;
 Chekosi ai illi il oho̱nʋshke;
.    
     Yohmi hoh kia ʋm ʋlhpiesʋshke.

[V3]
 Ilʋppa ai ahanta li hokʋto,
.    
     A̱ nukha̱klot a sʋlbʋsha biekʋt
 Sa nishkin okchi a yanahanli hosh,
.    
     Nitak moma ahanta li hokʋno.

[V4]
 A si yakohmit ahanta li hoke;
.    
     Yʋmohmi kia ʋlhpiesʋshke:
 An Chihowa ya ak im ono kashke,
.    
     Aiahni nana hosh ahanta la wa

[V5]
 Im ona la he mak o̱, an Chisʋs ʋt
.    
     Iti 'taiyukhʋna ahonaha̱hlʋt,
 Na̱ palʋmmi achinto pihi̱sa hosh,
 Sa chumpa mak osh illi hatuk oke.

[V6]
 Im ona la he mak o̱, an Chisʋs ʋt
.    
     Ʋba yakni ai ahanta la he ma,
 Nan u̱ha kʋno ʋm ataiyahli cha
.    
     Falamʋt ʋba ya̱ ia tok oke.

[V7]
 I̱ yimmi a̱hlit anukchieto hosh
.    
     Immi holitopʋt ahanta lashke;
 Nan u̱ha kʋno im ai a̱hli li hosh
.    
     Afoha a̱hli pisa li pullashke.

[V8]
 Ʋba yakni yokʋno ona likmʋt,
.    
     Klaist, Saint, micha enchil ʋhleha moma
 Ai itin takla binet taloho̱wʋt,
.    
     Na̱ sa yukpa mʋto a bilia he.</lyrics>
<title>Heavenly Rest ƲIT131</title>
<time_sig>11.11.11.11. with Refrain 5.11</time_sig>
<hymn_number>131</hymn_number>
<aka>Sai okcha̱yʋt yakni ilʋppak oka</aka>
</song>